لما تقابل ناس صايعة او يعملوا حاجة تخوفك او تبهرك ملكش الا انك تقول "دي عالم صايعة يابا" او لما تبقى فاشل وتشوف الدنيا المتقدمة او الناس الناجحة اللى بتقدم اختراعات
خالد: شفت الألمان عملوا اية في تصفيات كاس العالم؟
عادل: دي عالم صايعة يابا ملناش دعوة بيهم
لما تحب تتريق على حد مفكر انه بيتكلم انجليزي او لغة تانية وطلع مبيعرفش يتكلم اللغة دي. قالها يونس شلبي في مسرحية مدرسة المشاغبين لمرسي الزناتي لما كان عامل انه بيتكلم انجليزي
واحد بيستظرف: زس از سبارطاااااا
صاحبه: انجليزي ده يا مرسي؟
لما تبقى فاشل وتشوف الدنيا المتقدمة او الناس الناجحة اللى بتقدم اختراعات
"- شفت الناس اللي بتجيب امتيازات؟
= دي عالم صايعة يابا"
لما حد جامد يتكسف او يتقصف جبهته
سمير: قطعتك النهارده في البلايستيشن!
علي: مرسي ابن المعلم الزناتي اتهزم يا رجالة!
لما ينزل قانون او قرار او يحصل حادثة زى مثلا سفاح بيقطع الودان
"محمد: الحق البلطجي تحت بيلطش في العيال!
خميس: كل واحد يخلي باله من لغاليغه! "
لما تبقى فاشل وتتحجج ومشكلتك انك مش فاهم السؤال ..او لو دكتور جاب سؤال مش مفهوم في الامتحان فتكون محتاج انك تفهم معنى السؤال
المدرس: ثورة 19 كانت سنة كام؟
الطالب: انا احط ايدي على السؤال اجاوب على طول!
لما تبقاش فاهم انجليزى ..او لما اللى ققدامك يقول انجليزى بايظ خالص
"مي: اي سبيك انجليش فيري ويل.
فؤاد: انجليزي ده يا مرسي؟"
لما مدرسك او اى حد جايبه يعملك حاجة تلاقيه بيسستظرف
"موظف جديد: يوم جديد ملئ بالنشاط وانا حغيرلكم الشركة دي!
موظف قديم: اه ده جاي يهزر بقى"
لما تقلشش على حد اتحرج او ضيف يحرج اعلامىى فالتليفززيون
شفت حسين؟ عمل لعيب كورة وبتاع واول ما نزل الملعب اتخرم ووقع على الأرض... بتحطوا نفسكوا في مواقف بايخة...
لما تشوف حاجة هتعود عليك بخسارة ...امتحانات قربت ...اسعار غلت
"- الدكتور بيقول الامتحان حيجي من المنهج كله!
= ده احنا هنشوف ايام سودا يا جدعان"
مسرحية مسخرة
31 أكتوبر 2017